Bok 33: Tordivelen flyr i skumringen

9788242138293_2I serien Signe-gjer-keisame-ting: ein todagars køyretur frå Bryne til Trondheim. Det kan vera vanskeleg å finna ei bok som passar for både sjåfør og passasjer, som er lett å følge med på, og som er passe lang. Løysinga vart ein klassikar frå barndomen: Tordivelen flyr i skumringen. Eg trur faktisk at eg berre har lese Gripe sine romanar som lydbøker. Sist runde må ha vore lenge sidan, for eg hugsar mykje plundring med kasettband. Overgangen frå då til no er stor, for denne gongen vart det blåtannoverføring frå mobiltelefonen. Forteljinga fungerte like godt, med eit atterhald som eg skal kome tilbake til.

Jonas, Annika og David skal vatne blomar på herregarden. Det er spesielt ein blom dei må passe på. Blomen sin velferd er uforklarleg, og når den kviknar til strekk den seg ikkje mot sola – den pekar veg til moglege løysningar. Dei finn ei bunke med brev frå 1700-talet, og vert vikla inn i jakta på ein egyptisk tvillingstatue. Jonas møter saka med journalistisk nysgjerrigheit, David med akademisk interesse, og Annika med frustrasjon over at ingen tek inn over seg at statuen handlar om ei menneskeleg tragedie. Ei gamal dame byrjar å ringe David, og saman spelar dei et lenger parti med sjakk. Kven er ho? Kor kjem musikken frå? Forteljinga er mangefassetert, og vel gjennomført. Det er mange vendepunkt, og lyttaren sitt heile tida med ei kjensle av at løysinga er openbar – heilt til det skjer noko som endrar spelereglane. Tordivelen viser stadig veg.

«Alt levende hører sammen.» De ord sa han ofte til mig. Han visste at de døde også lever.

Tordivelen flyr i skumringen passar best til større born, og eg er usikker på om den har tolt tidas tann. Den baserer seg mykje på teknologi frå dåtida, og dagens kids vil nok stusse når dei kjem over meldingar om at ein ikkje må sløse med lydband, komplikasjonar med trykk av aviser, og så vidare. Det er sjølvsagt vanskeleg for meg å spekulera i om eit barn vil hefta seg nok med desse elementa til at det faktisk gjer noko, men eg vil tru at desse delane vil framstå som rare, i beste fall eksotiske. Som vaksen innehaldt historia ikkje like mange grøss, men mykje undring. Forteljinga engasjerte begge globetrottarane, og vart eit godt avbrekk frå det som viste seg å vera eit skalkeskjul for stavkyrkjesafari.

Eg gjekk med vilje ikkje for høyrespelversjonen, fordi ein kvar kan bli skremt frå vetet når dei døde tek kontakt. Det skal nemnast at NRK sin versjon vann pris som tidenes beste høyrespel, så ein litt modigare person enn meg kan godt velje denne. Ane Dahl Torp gjer ein god jobb som opplesar. Ho les med ei nøytral og oversiktleg innleving, og gjer historia svært levande.

Det einaste aberet med lyttaropplevinga går faktisk på Lydbokforlaget sin app, som er frykteleg lite brukarvenleg og vrang å ha med å gjera. Det går til dømes ikkje an å styre appen frå hovudskjermen, og den tek ikkje pause når eg får ein telefon. Den eg snakka med fekk god innføring i blomane på Selandergarden. Eg har android-telefon, så det er mogleg at ios-versjonen er betre.

Maria Gripe (1979). Tordivelen flyr i skumringen. 10 timar og 17 minutt.

8 thoughts on “Bok 33: Tordivelen flyr i skumringen

  1. Jeg elsker virkelig Gripes forfaytterskap og fortsatt så leser jeg tordivelen hver sommer. Det er en lavmælt kraft i det hun skriver og absolutt lag som snakker både voksne, barn og ungdommer 🙂

    Likar

    • Ho undervurderar på ingen måte målgruppa si, eg likte språket veldig godt. Det er sjølvsikkert og nyansert. Eg vart gira på meir, men Agnes Cecilie vart eg VERKELEG vettskremt av (i ung alder), så det spørs om eg ikkje må psyke meg opp litt først.

      Likt av 1 person

      • Nei, hun tar målgruppa på alvor og også tekstene. 🙂 Agnes Cecilia må du lese og blogge om når du føler deg klar. Ellers er I klokkenes tid svært god. jeg liker skyggebøkene også. (dvs, jeg liker jo det alt egentlig av hennes forfatterskap.)

        Likar

  2. Jeg elsket bøkene til Gripe som barn, og gjør det fremdeles. Skyggen – serien var nok den jeg leste flest ganger, og som jeg også har gjenlest et par ganger som voksen. Siden den er fra en helt annen og fjernere tid, så er det kanskje den som har holdt seg best med tanke på nye lesere i dag?
    Ellers så var jeg like henført da jeg leste Tordivelen og Agnes Cecilia på nytt og :-).

    Likt av 1 person

  3. Det er nok mange som har gode minner knyttet til Maria Gripe- også jeg!
    Jeg tipper det må være ett eller annet som skjer ifm blåtannoverføringa som gjør at den ikke automatisk settes på pause når telefonen ringer. Det gjør min androide, men du kan kanskje kontakte Lydbokforlaget og høre om det er noe de kjenner til?

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s