Bloggbursdag og oppsummering

Eit år har gått. Bloggen har bursdag! Og eg har for fyrste gong fullført eit nyttårsforsett. Det er eigentleg fyrste gong eg har laga eit forsett! Sjukt! Eg skulle lesa 40 bøker. Eg ser at ein del les over 100 bøker i året, men for ein vanleg dødeleg tenkte eg at det var på tålegrensa til det eg ville klare å kombinere med andre ting (som å sjå reality-TV). Eg hadde ikkje særleg tru på eigen gjennomføringsevne, så eg lagte ein blogg for å forplikte meg sjølv til «oppdraget». Stort meir nerdete kan det ikkje bli.

Eg har eit aldri så lite mindreverdskompleks, for mengda er veldig liten sett opp mot dei mengdene andre bokbloggarar jafsar seg gjennom, men… Dette er mitt show. Det er uansett på tide å vera litt stolt over seg sjølv. Eg las veldig mykje som lita, men det var ikkje i går. Eg trudde likevel at lesegleda låg på lur ein eller annan stad. Eg gjekk difor på med god tru, og «once an addict, always an addict,» som dei seier på nynorsk – her er resultatet:

Januar

Februar

Mars

April

 

Juni

Juli

August

 

Oktober

 

Desember

Eg skreiv ei midtvegsevaluering i juli. Eg har slutta å halde orden over sidetal og publikasjonsår for lenge sidan, men me er oppe i ein god del tusen sider, og nokre døgn med lydbøker. Bokhylla har vorte kraftig slanka på grunn av flytting(ar), men gamle titlar har vorte erstatta med nye, og eg har lese dei aller fleste titlane.

Eg har teke universitetsutdanninga i bruk ved å gjera djuptgåande litterær forsking i hårfrisyrar.  Eg har skulka skulen (der eg gjekk, ikkje der eg arbeider, hei rektor) og sosiale forpliktingar fordi bøkene var såååå spanande. Eg har vore bokfyllesjuk i fleire dagar. Eg har dratt god nytte av bokbloggverda (som eg ikkje visste fanst), og fått mange tips om nye og gamle bøker. Eg har oppdaga skattar i hylla.

Sett vekk frå gjenlesingar (der var det ein del, men dei gadd eg ikkje blogge om) landa eg på 42 bøker.  For å feire legg eg ved eit illustrasjonsbilete frå førre gong eg pynta meg (juli):

IMG_20150704_142219
Hipp hurra!

42.

Det er, som me alle veit, eit heilag tal, og no som eg har svaret på alt er det vel berre å lesa litt meir for å sjå om eg finn nokre glupe spørsmål. Spør gjerne om du ikkje tok referansen, for då har eg eit godt lesetips til deg…

Eg har hatt eit fantastisk år med store endringar. Det skal eg slutt slutte å mase om, men for å skryte litt har eg «fått» (+ mange hermeteikn til, for DEN var ikkje gratis) mastergraden, kjøpt leiligheit (pitteliten og veldig koseleg. Speglar eigaren, sjølvsagt), og starta i jobb som lektor… Det har vore kaotisk og spanande og krevjande, og litteraturutvalet har kanskje spegla dette – det har blitt mykje lett litteratur. Men det gjer ingenting! Målet var å vekke lesargleda, og det har eg klart. Så får livet subbe i veg medan eg finn fram ei høveleg bok.

Eg las meir variert før eg byrja i jobb enn det eg gjorde som student. Eg hadde tenkt å skrive at «det kan eg fiksa på i år», men det veit eg ikkje om eg vil. For kven er det eg skriv for?  Eg skriv jo litt for dykk. Eg set veldig stor pris på dei av dykk som kjem innom bloggen, og vert veldig glad for dei kommentarane som kjem. Kjempekjekt! Men når det kjem til lesinga er den likevel mest for meg sjølv. Ein skal ta seg tid og rom til tomme kaloriar, og så kan ein supplere dietten med litt meir fancy krydder. Det viktigaste er likevel å fortsetja å utforske dette nydelege hallusinogenet. Om du har lånekort er vel bøker det einaste rusmiddelet som er både lovleg og gratis.

Ein fordel med blogginga er at det vert lett å analysere sitt eige lesemønster, og eg ser at eg truleg ikkje kjem til å ha tid til leseraptusar som i februar. Eg har lagt ein del lesetid på hylla til fordel for elevtekstar, og slik kjem det vel (vonleg) til å halde fram i all overskodeleg framtid. 35 er difor det nye målet. Det skal eg få til. No skal eg slette masemailar frå det gamle treningsstudioet (meldte meg ut i 2014), for eg har jo eit nyttårsforsett allereie!

14 thoughts on “Bloggbursdag og oppsummering

  1. Gratulera med alt det nemnte! Leselysta er vekka så nå er det bare å peise på med det lovlege rusmiddelet 😉 Btw så er det betre å nominere ei (eller fem bøker) enn ingen til bokbloggerprisen 🙂

    Likar

  2. Herligheten kvinnemenneske! Du som får til alt, du kan vel like godt også slenge inn en nominasjon eller fem om noen av bøkene er handlingen verdig!

    42! 42!!

    Nemlig!

    Du er forfriskende og morsom å følge, gleder meg til fortsettelsen 🙂

    Likar

  3. 42 må jo være det perfekte tallet.

    Og, – ikke minst – ikke bare 42 bøker, men også 42 omtaler. Omtaleraten din overgår min fatteevne. Gleder meg til å følge deg videre i 2016, og synes det er fint og viktig det du sier om tomme kalorier vs. krydder. Selv skal jeg bare lese sjokoladekaker i bokform i januar, blir godt.

    Likar

  4. Gratulerer med alt! Jeg synes du er tøff, og synes du kan levere inn en nominasjon hvis du synes boka er verdt det, så kan du delta på samlesinga med oss.:) Happy new year!

    Likar

  5. Gratulerer med jubileum! Og selvfølgelig må du nominere. Ei bok ihvertfall. Slik at du kan bestemme, herje og samlese resten av året. Takk forresten for begrepet bakfyllbokrus, eller bokbakfylla var det vel. Det beskriver så presist min nåværende posisjon at alle andre ord har blitt strøket fra vokabularet. Du skal se det blir så allmenngyldig at det havner i ordlistene etterhvert. (Sammen med tvangskronologisme og bartetvang, i det hele tatt alt som innebærer lystig tvang).

    Gleder meg til å følge deg videre!
    (La nå ikke lektorgjerningen komme i veien -))

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s