Ti på tysdag: Top Ten Bookworm Delights

1. «Har du ei bok du trur eg ville ha likt?» 
Altså, DO I EVER. Dette er eitt av dei største kompliementa eg kan få. Sjølv om det ikkje er sikkert at personen spør igjen etter å ha vorte geleida gjennom dei siste 40 bøkene eg las.

534469__safe_solo_twilight+sparkle_animated_princess+twilight_image+macro_upvotes+galore_hub+logo_reaction+image_wink

2. Den kjensla når klokka plutseleg er to, og du skal på jobb dagen etterpå
Du hatar deg sjølv meir enn berre litt, men det er så totalt verdt det. Kva skjedde mellom ti og to? Det kjem du aldri til å finna ut av. Men no som dagen derpå likevel er øydelagt kan det jo ikkje skada med eit par sider til…

3. Når du ser at vener angrar på enkle spørsmål som «les du noko kjekt for tida, då?» fordi dei ikkje venta seg ein ti minutt lang monolog, men dei lar deg snakka likevel.
Det kan jo berre tyda på ein ting: ekte kjærleik.

4. Loppisar med eigen bokseksjon. 
Altså, hallo. Eg har eigentleg manglande tålmod til Fretex og loppemarknadar (skjønar interessa, men eg held berre på merksemda ca. like lenge som eit barnehagebarn), men eit heilt hjørne med nedstøva boklukt og skjulte skattar… Av og til kjem du over eit ekte funn, der nokon med sans for bøker har tømt bokhylla. Det er stort sett her eg finn klassikarar (i den grad eg les klassikarar…). Fine bøker med god patina til ein tier per oppleving.

5. Å lesa gamle favorittar for andre, tredje, sjette, tiande gong. 
Eg les bøker eg likar mange gonger. MANGE gonger. Elskar å opne ei bok med ei venting om kva stemning som kjem til å treffa meg. Og ikkje minst, å få ventinga innfridd. Lukke.

6. Bøker som er gode å ta på.
Dette gjeld sjølvsagt både gamle og nye bøker. Kjære bokbransje, i ei digital verd er taktilitet boka sitt største fortrinn. Kost på forteljinga litt tjukt papir og eit omslag som ikkje er i plast, sånn at eg skjønar at det er ei bok eg les.

7. Fellesskap med andre lesarar, heilt uavhengig av boksmak. 
Det er lite som er så sympatisk med nye kjenningar som å koma inn og finna ei bok med ryggen opp på eit eller anna bord. Det er det same om det er Ibsen, Pondus eller ei lengre utgreiing om Sovjet sitt fall. Dette er eit kvalitetsteikn som aldri har slått feil, men spør meg igjen den dagen eg finn Mein kampf på eit nattbord. Eller Min kamp.

8. Å tvinga ungdom til å lesa bøker. 
Altså, jobben min. Sjølv om eg trur eg kjem inn med verdas største gåve («No skal me lesa EI HEIL BOK!» Fritt val!) er ikkje responsen alltid slik eg ventar (sjå punkt 10). Likevel kjem dei som oftast overraska tilbake for å sei at det i grunnen var ganske kjekt. Det er sikkert litt for å vera grei med læraren sin, men så vert ho jammen glad av det òg.

9. Å sjå korleis verdien av bøker endrar seg med åra. 
Jamfør punkt 5: Eg les ofte bøker fleire gonger, men det kan ta nokre år mellom kvar gong. Då er det så fantastisk å sjå korleis erfaringane mine pregar kva eg ser på som interessant. Dette gjeld spesielt barnebøker. Det er sjeldan eg liker bøkene mindre (med unnatak av Sweet Valley High-prosjektet mitt, som eg skal koma tilbake til ein gong det høver seg slik), men det er kanskje heilt andre nyansar som treff mest.

81781-clueless-high-five-gif-9g43

10. Skulle gjerne ha funne på ei bokglede til, men no må eg gå for å lesa litt. Snx. 

 

2 thoughts on “Ti på tysdag: Top Ten Bookworm Delights

  1. Hei! Hyggelig at du er tilbake igjen 🙂 Har likt å følge bloggen din, du skriver godt og med mye humor! Jeg kjenner meg veldig igjen i mye av det du skriver om her, blant annet det med å lese bøker en liker godt flere ganger.Det er vel derfor jeg ikke klarer å kvitte meg med bøkene jeg har, de blir litt hellige på en måte. Kjenner meg også igjen i hvordan man som lærer noen ganger har en stri tørn med å overføre noe av den lesegleden en har selv til elevene sine. Jeg har hatt en gruppe i norsk fordypning de siste to årene, og ser at jeg begynner å komme litt på vei med dem nå. Ønsker deg en god lesehelg 🙂

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s